हेटौंडां/बागमती प्रदेशकी मुख्य न्यायाधिवक्तामा अधिवक्ता अप्सरा बस्नेतको नाम सिफारिस गरिएको छ । बस्नेत बागमती प्रदेशमात्र नभइ नेपालकै पहिलो महिला मुख्य न्यायाधिवक्ता बन्ने भएकी छन् ।
मंगलबार उनको नाम मुख्य न्यायाधिवक्ताका लागि सिफारिस गरिएको हो । यसअघि दोलखाका अधिवक्ता सुकदेव काफ्ले मुख्य न्यायाधिवक्ताको जिम्मेवारीमा थिए । काफ्लेले राजीनामा दिएपछि बस्नेतको नाम सिफारिस गरिएको हो । अधिवक्ता बस्नेत जिल्ला बार एसोसिएसन मकवानपुरकी निवर्तमान अध्यक्षसमेत हुन् । उनी उक्त बार एसोसिएसनको पहिलो महिला अध्यक्षसमेत बनेकी थिइन् । बस्नेतलाई आइतबार औपचारिकरुपमा शपथग्रहण गराउने तयारी गरिएको छ ।
