हेटौंडा/चैनपुर जेसीज मनहरीको जेसीज सप्ताहअन्तर्गत् आयोजित बिस्तारै मोटरसाइकल चलाउने प्रतियोगितामा सुरज कार्की प्रथम भएका छन् । १४ सहभागीलाई अघि लगाउँदै उनले प्रथम स्थान हाँसिल गरेका हुन् ।
प्रतियोगितामा अनिल थापा द्वितीय र निमेष केसी तृतीय भए । प्रतियोगितामा १५ जनाले सहभागिता जनाएका
थिए । मोटरसाइकल बिस्तारै चलाएर पनि पुरस्कार जित्न सकिन्छ र गन्तव्यमा पुग्न सकिन्छ भन्ने सन्देश दिनका लागि प्रतियोगिता आयोजना गरिएको जेसीज सप्ताह मूल कार्यक्रम संयोजक कार्यकारिणी उपाध्यक्ष सुरेश गौतमले जानकारी दिए ।
कार्यक्रम संयोजक मनिष पौडेलको संयोजकत्व एवम् चैनपुर जेसीज मनहरी अध्यक्ष रविन ढकालको सभाध्यक्षतामा भएको कार्यक्रममा मनहरी गाउँपालिका-४ का वडा अध्यक्ष प्रकाश थापाको प्रमुख आतिथ्यता थियो । वडा अध्यक्ष थापाले पछिल्लो समय तीव्रगतिमा मोटरसाइकल चलाएकै कारण धेरै युवाले अकालमा ज्यान गुमाइरहेको स्मरण गर्दै यस्ता कार्यक्रमले सचेतना फैलाउन मद्धत पुग्ने बताए । जेसीजसँगको सहकार्यमा खुला फुटबल प्रतियोगितासमेत सञ्चालन भइरहेको भन्दै उनले आगामी दिनमा जेसीजसँग सहकार्य जारी राख्ने बताए ।
कार्यक्रममा कार्यपालिका सदस्य मीरा गौतम, राष्ट्रिय स्वतन्त्र पार्टी क्षेत्रीय सभापति सञ्जीव पाठक, पशुपति टोलविकास संस्था अध्यक्ष बालमुकुन्द ढकाल, धनेश्वरी मध्यवर्ती सामुदायिक वन उपभोक्ता समिति अध्यक्ष परमेश्वर लामिछानेलगायतको आतिथ्यता थियो । जेसीज सप्ताहअन्तर्गत् बिहीबार लागुऔषध दुव्र्यसनसम्बन्धि सचेतना कार्यक्रम, शुक्रबार वक्तृत्वकला प्रतियोगिता, शनिबार खुला जेसीज दौड प्रतियोगिता हुने जेसीज महासचिव श्रीकृष्ण ढकालले जानकारी दिए ।