हेटौंडा/मकवानपुरगढी जेसीज र मनहरी-५ नम्बर वडा दोस्रो चैनपुर जेसीज मनहरी कप फुटबल प्रतियोगिताको सेमिफाइनलमा प्रवेश गरेको छ ।
बिहीबार भएको क्वार्टरफाइनलमा मनहरी-५ ले मनहरी-२ लाई हराउँदै सेमिफाइनलमा स्थान पक्का गरेको हो । निकै प्रतिस्पर्धात्मक खेलमा ५ ले २ लाई १-० गोलले स्तब्ध बनाएको हो । खेलको २० औं मिनेटमा निरप घलानले गरेको गोल नै ५ नम्बरको जितमा निणर्ायक बन्यो । घलान खेलको म्यान अफ दी म्याच बने ।
दोस्रो खेलमा पदमपोखरी युनाइटेडलाई टाइब्रेकरमा निराश बनाउँदै मकवानपुरगढी जेसीजले सेमिफाइनल भिडन्त पक्का गरेको हो । निर्धारित समय गोलरहित बराबरी भएपछि खेल सीधै टाइब्रेकरमा धकेलिएको थियो । खेलमा मकवानपुरगढी जेसीज र पदमपोखरी दुवैले गोल गर्ने केही राम्रो मौका पाए पनि गोल गर्न सकेनन् । टाइब्रेकरमा जेसीजका तर्फबाट कुलदीप कार्की, रोशन पहारी, अञ्जन बछार, मनिष पौडेल र अस्मित गोङ्बाको प्रहार गोलमा परिणत हुँदा पदमपोखरीका सुशील गोले, सञ्जीब स्यांतान, सिजन लामाको प्रहारमात्र गोल भएको थियो । मैसाङ वाइबाको प्रहारलाई जेसीजका गोलरक्षक अस्मित गोङ्बाले बचाएका थिए । गोङ्बा खेलको म्यान अफ दी म्याच घोषित भए ।
जारी प्रतियोगितामा शुक्रबार पहिलो सेमिफाइनल खेल हुनेछ । मंसिर ३ गतेसम्म सञ्चालन हुने दोस्रो चैनपुर जेसीज मनहरी कप फुटबल प्रतियोगितामा मकवानपुरका १६ टिमको सहभागिता छ । प्रतियोगिता विजेताले एक लाख एक हजार १ सय ११ रुपियाँ तथा उपविजेताले ५१ हजार १ सय ५१ रुपियाँसहित ट्रफी प्राप्त गर्नेछ । सर्वोत्कृष्ट खेलाडीले ७ हजार पाँच सय तथा अन्य विधागत् उत्कृष्टले जनही नगद ३ हजार पाँच सय रुपियाँसहित ट्रफी प्राप्त गर्नेछन् ।