हेटौंडा/राक्सिराङ गाउँपालिकाका विभिन्न वडाहरुमा यतिखेर प्रहरी टोली पुगेको छ । प्रहरी टोलीले धमाधम अवैध गाँजाखेती नष्ट गरिरहेका खबरहरु सार्वजनिक भएका छन् ।
हाल प्रहरी टोली राक्सिराङ गाउँपालिका-९, खैराङ क्षेत्रमा गाँजाफँडानीमा सक्रिय रहेको बताइएको छ । प्रत्यक्षदर्शीका राक्सिराङ-९, खैराङमा पुगेको प्रहरी टोलीले निरन्तर गाँजाफँडानी गरिरहेको छ । गाँजाफँडानीका लागि प्रहरी निरीक्षक वीरेन्द्र रायमाझीको नेतृत्वमा जिल्ला प्रहरी कार्यालयको टोली र स्थानीय कान्द्राङ प्रहरी चौकी, चैनपुर प्रहरी चौकीका प्रहरी खटिएका छन् । राक्सिराङ-९, खैराङमा मात्र झण्डै २० बिगाह र राक्सिराङ-५ मा १० बिगाहजति गाँजा प्रहरीले फँडानी गरेको छ ।