हेटौंडा/झापाको मेचीनगर नगरपालिका-६, पुरानो मेचीपुलबाट अवैध लागुऔषध खैरो हेरोइनसहित मकवानपुरका एक जना पक्राउ परेका छन् । पक्राउ पर्नेमा मकवानपुरको थाहा नगरपालिका-६ बस्ने ३१ वर्षीय आशाकाजी तामाङ रहेको प्रहरीले जनाएको छ ।
उनलाई शुक्रबार दिउँसो लागुऔषध नियन्त्रण ब्युरो काकरभिट्टाबाट खटिएको प्रहरीले लागुऔषधसहित पक्राउ गरेको हो । प्रहरीले उनको साथबाट लागुऔषध खैरो हेरोइन १८ ग्राम ६ सय ४० मिलिग्राम बरामद गरेको छ । पक्राउ परेका उनीमाथि प्रहरीले आवश्यक अनुसन्धान प्रक्रिया अगाडि बढाएको छ ।