हेटौंडा/गीतकार श्यामकुमार बानियाँद्वारा रचित स्वदेश गान यो देशले तिम्रो काँध मागेको छको म्युजिक भिडियो सार्वजनिक भएको छ । आइतबार सर्वश्री मिडियाको युट्युब च्यानलमार्फत् म्युजिक भिडियो सार्वजनिक गरिएको
हो ।
गीतमा नवराज पराजुलीको स्वर र ओमप्रकाश राईको संगीत छ । रामकृष्ण थापाले संगीत संयोजन गरेका छन् । म्युजिक भिडियोको छायांकन तथा सम्पादन महेन्द्र ओझाले गरेका हुन् । लामो समयदेखि मकवानपुरमा रहेर साहित्य रचना गर्दै आएका बानियाँले यसअघि दुई स्वदेश गानसहित पाँच गीतका म्युजिक भिडियो ल्याइसकेका
छन् ।
्उनका आकाश खुल्यो सुस्तरी र हिमालमा घाम झुल्क्यो स्वदेश गान २०८० फागुनमा सार्वजनिक भएका थिए । गायनमा समेत रुचि राख्ने बानियाँले आकाश खुल्यो सुस्तरी आफ्नै स्वरमा रेकर्ड गराएका थिए । उनको आवाजमा शून्य शून्य र माया भन्नु बोलको गीतका म्युजिक भिडियो यसै वर्ष असोजमा सार्वजनिक भएका थिए ।