हेटौंडा/वंशगोपाल दुग्ध उत्पादक सहकारी संस्थाको आयोजना र सिद्वस्थली रुरल कम्युनिटी हस्पिटल रामनगरको प्राविधिक सहयोगमा शनिबार चौघडामा निःशुल्क स्वास्थ्य शिविर गरिएको छ ।
शिविरमा प्रेसर, सुगर, मुटुलगायत रोगहरुको परीक्षण गरिएको थियो । शिविरमा डाक्टर अभन गौतम र विष्णु श्रेष्ठले स्वास्थ्य परीक्षण गरेका थिए । शिविरमा १ सय ५० जनाको स्वास्थ्य परीक्षण गरिएको सहकारी अध्यक्ष रामहरि चौलागाईंले बताए । हस्पिटलले मकवानपुरमा रहेका सबै दुग्ध उत्पादक सहकारी संस्थामा आवद्ध दुग्ध उत्पादक किसानहरुको स्वास्थ्य परीक्षण गर्ने योजना रहेको हस्पिटल संरक्षक गोमा गौतमले बताइन् ।
