हेटौँडा-राष्ट्रिय प्रजातन्त्र पार्टी (राप्रपा) मकवानपुरका अध्यक्ष गुरुप्रसाद सापकोटाले आफु राप्रपामानै रहेको प्रतिक्रिया दिएका छन् । गृह जिल्लामा आएर पार्टी परित्यागको घोषणा गरेका राप्रपाका निर्वतमान केन्द्रीय अध्यक्ष कमल थापाको घोषणासभाको सभाअध्यक्षता ग्रहण गरेका सापकोटाले निवर्तमान अध्यक्ष थापाले पार्टि परित्याग गरेपनि आफु राप्रपामानै रहेको बताए ।
अध्यक्ष सापकोटाले भने ‘हाम्रो केन्द्रीय नेतृत्वले कमल थापालाई समेत अघि बढाएर लैजानु पर्दथ्यो तर त्यो सकेन, यो हाम्रो केन्द्रीय समितिको अकर्मन्यताको प्रमाण हो । तर म भने राप्रपामानै छु ।’
राप्रपाको सस्थापक नेतालाई राप्रपाको बर्तमान केन्द्रीय समितिले राम्रो ब्यवहार गर्न नसक्नुको परिणाम आजको घटना रहेको भन्दै सापकोटाले यसले पार्टीलाई फाईदा नपुग्ने बताए । उनले थापाको घोषणा दुर्भाग्यपूर्ण रहेको प्रतिक्रिया दिए ।
