चँदाहा नदिनमा पानीको बहाव बढ्यो, सिसौ बजारका बासिन्दालाई सुरक्षीत स्थानमा राखिने

चँदाह नदिमा पानीको बहाव वढे सँगै तीनपाटन गाउँपालिका २ सिसौ बजार उच्च जोखिममा परेको छ । बुधबार रातीबाट आएको अविरल वर्षाको कारण चँदाहा नदिमा पानीको बहाव बढेको हो । नदिमा पानीको बहाव वढे सँगै तीनपाटन गाउँपालिका २ को सिसौ बजार उच्च जोखिममा रहेको तीनपाटन गाउँपालिकाका अध्यक्ष कर्ण बहादुर थापा मगरले बताउनुभयो । उहाँका अनुसार उक्त बजारमा बसोबास गर्ने नागरिकलाई सुरक्षित स्थानमा राख्ने काम भइरहेको छ । “बजारमा बस्ने सबैको माथि गाउँमा पुरानो घर छ ।” अध्यक्ष मगरले भन्नुभयो, “सबै नागरिकलाई गाउँको घरमा जानको लागि आग्रह गरेका छौ । साथै घर सम्म पुग्ने व्यवस्था पनि मिलाई रहेका छौ ।” नदिले हजारौ खेति योग्य जग्गा कट्टान गरेको उहाँले जानकारी दिनुभयो । भालुखोलामा आएको वाढीले पनि खेतियोग्य जमिन कट्टान गरेको उहाँको भनाई छ । बेल्घारी झुगाँ देखि तल्लो पक्कि पुल सम्मको खेती योग्य जमिन कट्टान गरेको छ । साथै भिमस्थान,लगुरखोला लगातको ठाउँमा पनि वाढीले क्षेती गरेको अध्यक्ष मगरले बताउनुभयो । यस्तै गाउँपालिका सम्म पुग्ने मुल सडक खण्ड र ग्रामिण सडक खण्ड समेत पहिरोले अवरुद्ध गरेको अध्यक्ष मगरले जानकारी दिनुभयो ।